Meri Taraf Aa Ke To Dekh…
Mutawjah Na Hoon To Kehna
Meri Raah Me Chal Ke To Dekh..
Rahein Na Khool Doo’n To Kehna
Mujh Se Sawaal Kar Ke To Dekh…
Bakhshish Ki Hadh Na Kar Doon To Kehna
Mere Liye Beqadar Ho Ke To Dekh…
Qadar Ki Hadh Na Kar Doon To Kehna
Mere Liye Lut Ke To Dekh…
Rehmat Ke Khazaane Na Luta Doon To Kehna
Mere Liye Bik Ke To Dekh…
Anmol Na Kar Doo’n To Kehna
Mujhe Rabb Maan Ke To Dekh…
Sab Se Beniyaaz Na Kardoo’n To Kehna
Mere Khuaf Se Ansoo Baha Ke To Dekh…
Maghfirat Ke Darya Na Bahadoo’n To Kehna
Wafa Ki Laaj Nibha Ke To Dekh…
Ataa Ki Hadh Na Kardoon To Kehna
Mere Naam Ki Tazem Kar Ke To Dekh…
Hakim-e-Takreem Ki Inteha Na kar Doon To Kehna
Apni Hasti Ko Fana Kar Ke To Dekh…
Jam-e-Baqa Se Sarfaraaz Na Kardoo To Kehna
Mujhe Hayyul-Qayyoom Maan Ke To Dekh…
Abd-e-Hayaat Ka Ameen Na Banadoon To Kehna
Mera Ho Ke To Dekh…
Har Kisi Ko Tera Na Bana Doon To Kehna.
—
Let me end with a line from Maseeh-e-Maood (as):
Jo Khaak Me Mile, Usey Milta Hai Aashna;
Aye Aazmaane Wale, Ye Nusqa Bhi Aazma.